✨Milliy kino sanʼati saroyida mudofaachilar uchun «Bahodir Yalangto‘sh» filmi taqdimoti bo‘lib o‘tdi

Kecha O‘zbekiston Milliy kino sanʼati saroyida Mudofaa vazirligi tizimida faoliyat olib boruvchi bir qator xodim va kursantlar uchun «Bahodir Yalangto‘sh» filmining ijodkorlari ishtirokida namoyishi bo‘lib o‘tdi.

Unda mudofaa vaziri o‘rinbosari, harbiy xizmatchilar hamda ularning oila aʼzolari, muddatli harbiy xizmatni o‘tayotgan askarlar va jamoatchilik vakillari ishtirok etdi. Taqdimotdan so‘ng Kinematografiya agentligi jamoasi vazir o‘rinbosaridan maxcus tashakkurnoma va esdalik sovg‘alarini qabul qilib oldi.

Shuningdek, tomoshabinlar yangi ekspozitsiyalar bilan boyitilgan O‘zbekiston kino sanʼati muzeyi bilan tanishishdi. Harbiy xizmatchilar va ularning oila aʼzolarida buyuk sarkarda haqidagi film ham, muzey ham yorqin taassurot qoldirdi.

Kinematografiya agentligi Axborot xizmati

🌐Website 🔵Facebook 📷Instagram 🚀Telegram

📣“Kinokarvon” Andijon viloyatida

Kinematografiya agentligi hamda Respublika Maʼnaviyat va maʼrifat markazi “Maʼrifat” targ‘ibotchilari jamiyati hamkorligida «Biz bir bo‘lsak — yagona xalqmiz, birlashsak — Vatanmiz!» shiori ostida o‘tkazilayotgan “Kinokarvon” tadbirlari Andijon viloyatida davom etdi.

Tadbir davomida O‘zbekiston Xalq artisti Tesha Mo‘minov, O‘zbekistonda xizmat ko‘rsatgan artistlar Rixsivoy Aliyev va Abduhalil Mignarov, O‘zbekistonda xizmat ko‘rsatgan madaniyat xodimi Egamberdi Rahimov, aktyor va aktrisalar Farhod Hudoyberdiyev, Anjelika Yesimbetova, Umid Shodmonov, O‘tkir Mengliyev, Ilmira Rahimjonova kabi taniqli kinoijodkorlar bilan ijodiy uchrashuvlar tashkil etildi.

Tadbirlar bugun viloyatning Oltinko‘l, Baliqchi, Izboskan, Paxtaobod, Qo‘rg‘ontepa, Jalaquduq tumanlarida davom etadi. Shuningdek, "Yasha, xotin", "Doktor Abdullayev", "Esimda yo‘q", "Abdulla Oripov", "Osmondagi bolalar 3", “Samuray”, “Evrilish”, “Sudya” kabi filmlarning namoyishi ham o‘tkaziladi.

Kinematografiya agentligi Axborot xizmati

🌐Website 🔵Facebook 📷Instagram 🚀Telegram